氣氛唔同曬

本來又儲左少少彈藥，想7月恆常買下野，點知想買既都升左，膽小既我當然唔敢追入，感覺上大家都賭緊"大戶劇本"既大細，個個經過5窮月後，都想追返d"業績"，另外，而諗住賣緊d野時，又俾老闆急call攪左一大輪，所以今日都係得個睇字。

唯一岩岩收左1052股息，先有d安慰，而家繼續儲彈，希望9月10月再shopping下。再努力望下仲有冇正價正品貨先(收息引起😁)。

內銀第二波被攻擊

等左咁耐，先有第2次中國銀行相關負面新聞，睇黎進攻方行慢拍，希望有第2注入貨機會啦。

[返工前落盤系列] 405 越秀房託

恆常紀律買入，於5.37買入4000股405 越秀房託。

重新研究

經過無腦研究，希望可以係呢次"相對"高位沽走少少香港民生類收息個股，待機買入*中資股。

有時簡單只是好像易明，但不一定美或有將來，收息個股"相對"開始愈來愈貴。恆指中國化，還可以頂多陣，2800長遠拉上補下應該好過定存/債券少少。


*雞肋型/區域型

近日市況維穩，開始做買賣清單

市場噪音多，加上入夠市，係時候檢視持股，因知識有限，見低就買，不知不覺竟有16隻持股。

可能係我不喜歡只買龍頭，亦喜歡買老二，好多都係一對對，另外，只喜歡高息股，所以如領展咁有升有息(派息都升)，我竟然無亦不敢持有。

另一隻好勁既煤氣，我就怕佢貴，同延後高息情況，又係無入手。

而家，希望7月有升市，俾我休息下儲下錢，放個假去外遊。

[更新月供] 2800 於2019年6月微加$1000

紀律操作，股息再投入，2800盈富再於今年6月微加$1000。

[返工前落盤系列] 3988 中國銀行(2) 939 建設銀行

6月份開始，繼續分注買入，先以3.21買入5000股中國銀行 (預計下次有近5里幾息)，再以6.14買入2000股建設銀行(近52周低，即平均正價水位)，預佢收完派息，次年都應該有近5里，可以長線坐船船。