開始火熱

雖然5月冇咩出手，但見個市上上落落，都要食下花生睇下。

現時好似成交冇咩特別，指數只係上落，同三兩個月前差唔多，但唔知點解，網上網下都愈來愈多人留意現市況，可能部分係俾新股及700之流吸引，但是，被吸引既人，都唔似想抄股，心態係個個都怕股災，又想穩賺，於是個個散戶都指向大企業或收息股，進取d既就鍾愛高息股或新股，呢種慢火我唔知點形容，好似有人已編好故事，突然有人亂入，拖慢故事進度既感覺。

雖然呢個似係香港部分小散戶既心態，不足以力敵北水，更不足以改寫外資收水及大戶行動，但身為其中一個[好息]小小散戶，應該點部署，真係好無助，因為怕嚴守規律，變成跟風自殺。

[母親節] 休息月

5月其實係個好月，公眾假期又多，如果真係5月窮，都應該係去吃喝玩樂洗大左，好似到左母親節咁，又可以開開心心食盡佢，慶祝下。

至於股市，本身都係半冬眠，冇俾上上落落既氣氛影響，追入又拋出，不過仍有然月供股票，而家投資比例都係儲3成現金，另外7成作買股彈藥，只要有收息股特價或正價，都會買d儲貨，因為QE後世代，真係唔識點參考，之前玩加息預期或收水預期，已經玩左你十年八年，而家落實之前預期，又抄作其他預期(相信最終目的都仍然係全球找數計劃既一部分進程)，都唔知又玩幾耐，所以都係不忘初心，努力儲貨。

[記錄]持股檢閱2018 - 息率記錄

經過接近一年，再整理下自己既投資分配:




直到2018年5月4日

	佔總值	收益比(%)	均息率
地產(綜合型)	8.90%	7.70%	4.95%
銀行(國有)	21.37%	20.35%	5.45%
REITS	20.15%	20.34%	5.78%
公用	38.37%	43.79%	6.53%
盈富	11.21%	7.82%	3.99%

以投入資金計算，回報大概 = 5.72%*






[*Remarks: "投入資金"包括部分過去投資資金(e.g. 月供2800..)，不計算少量特別派息]




投資比重大概 = 7 : 3

[返工前落盤系列] 778 置富

見收左合和股息，於是再加入資金，以9.23排買入2000股778置富。雖然開始進入加息期，但現價仍然有5.5哩，心諗以自己才能，係得咁上下盈利，無低買高賣之能，唯有漫漫儲藏收息股，有目標地增加reits既比例。

剛剛收到信息，已全部買入。