[返工前落盤系列] 808泓富 + 1270朗庭

氣氛上落，走勢不改，外圍如美國主導者控制一樣，製造經濟不穩，在底力好時減速跑均速，可令不以加息作工具，另，縮表亦可繼續萬劍歸宗，死既都係外面，而經濟轉型中發展向下既大陸更嚴峻。

以3.13買入808，堅持紀律增加資產，外圍高低不必影響日常運作，除非跌到入貨位22000，先重注，訓左咁耐，實在有資金出路壓力。

更新: 再以3.02買入朗庭5000股以作收藏😀

[返工前落盤系列] 778 置富

呢半年收左幾次派息，儲起一部分，另一部分就繼續投資收息股，今次繼續買入778，以作價9蚊入2000股，少量投資

中美有排玩，唔理佢地字，反正都係慣常既"預期手段", 之前俾佢玩左幾年話加息，今次又玩預期唔加息，都係果d原本唔加得就吹話加，而家要繼續加就吹就黎唔加息，感覺上又要玩兩三年，所以都係見合理價時，都要儲下股

[更新月供] 2800 於11月微加1000

不斷下跌，開始指向"正價"，
步入"減價"前，嘗試增加月供2800，
因為本身供得唔多，加左都係月供5000蚊，
所以冇壓力。

餘下現金流，就繼續儲起，等候大平賣。

就黎訓醒，睇多半年後，災後尋機會

而家岩岩先由貴價，慢慢轉向一年前既不平價，
希望半睡半醒，慢慢等都見到合理價先出手，
平價或股災價就可遇不可求，恆指入大約22000開始第一注，等左差不多半年，
呢d時間都係繼續儲下彈藥。

[返工前落盤系列] 34 九龍建業

通常就收息並已持有既股票，都會睇睇有冇突然一跌時，有入返d既機會，於是都會返工前預設自以為平既價入。

今日食完飯，就收到信息，話已買入34九建2000股@8.55，心諗都好，反正差唔多有7哩半，點知一睇都係低處未算低，最低見8.35，唔信邪既我，最終難逃賺息蝕價魔咒，為有再次冬眠，待熊仔出未後再來-_-"

開始火熱

雖然5月冇咩出手，但見個市上上落落，都要食下花生睇下。

現時好似成交冇咩特別，指數只係上落，同三兩個月前差唔多，但唔知點解，網上網下都愈來愈多人留意現市況，可能部分係俾新股及700之流吸引，但是，被吸引既人，都唔似想抄股，心態係個個都怕股災，又想穩賺，於是個個散戶都指向大企業或收息股，進取d既就鍾愛高息股或新股，呢種慢火我唔知點形容，好似有人已編好故事，突然有人亂入，拖慢故事進度既感覺。

雖然呢個似係香港部分小散戶既心態，不足以力敵北水，更不足以改寫外資收水及大戶行動，但身為其中一個[好息]小小散戶，應該點部署，真係好無助，因為怕嚴守規律，變成跟風自殺。

[母親節] 休息月

5月其實係個好月，公眾假期又多，如果真係5月窮，都應該係去吃喝玩樂洗大左，好似到左母親節咁，又可以開開心心食盡佢，慶祝下。

至於股市，本身都係半冬眠，冇俾上上落落既氣氛影響，追入又拋出，不過仍有然月供股票，而家投資比例都係儲3成現金，另外7成作買股彈藥，只要有收息股特價或正價，都會買d儲貨，因為QE後世代，真係唔識點參考，之前玩加息預期或收水預期，已經玩左你十年八年，而家落實之前預期，又抄作其他預期(相信最終目的都仍然係全球找數計劃既一部分進程)，都唔知又玩幾耐，所以都係不忘初心，努力儲貨。