待機入第2注

見開始好多股有特價，先是悶鬼高息股，跟手係盲目被追捧左成年既收息股，而家連抄賣用既"增長股"都要開始回歸基本面，選擇多左唔少，而家最大問題係，我彈匣有幾多，希望可以以相同節奏，買到見到近底(少少近已心足)。

外圍形勢格局冇改變，劇本照舊，大家都彈藥充足等出手，一日未到真正大特價，都唔可以話其他人貪心想撈底，而自知不足，只好小注分段入，一邊入一邊蟹，不斷訓練心理質素。

[返工前落盤系列] 2388 中銀香港

以$25.5買入1000股2388 中銀香港。

[返工前落盤系列] 1052 越秀交通 及 144 招商局港口

以$6買入2000股 1052 越秀交通
以$12買入2000股 144 招商局港口

[返工前落盤系列] 405 越秀房託 及 3988 中國銀行

以$5.25買入4000股405越秀房託

以$3.02買入10000股3988中國銀行

第一把刀仔

雖然已經減到極低持倉，要接第一把小刀時，心理上都有d茅盾，見平左唔少梗係想入貨，但自己目標價同市價亦有些小距離，連小注排都排唔到就彈返上去，證明好多人去到呢個位都唔太淡，甚至想博反彈，而且手持充足彈藥，實力仍在。

但，外圍型態似乎無改變勢頭，所以膽小既我都係冇追入，其實，大家經過咁多次跌市，深明逢低就入，當然呢d都係基於呢20至30年得出既歸納，在社會基礎穩健，發展向上時下既結論。

城市發展最重要係人才，資金外流不怕，外遇強敵不怕，最怕係猪隊友，呢個問題而家睇黎，真係唔輕。

不過，如果再有大特價，我還是會入市的，因為我始終住係香港。

溫水煮蛙

曾經睇過一本書，作者建議唔好剛訓醒或睡前做重大決定，因為呢d時間精神理智不足，是夢中還是清醒都唔知(創作搵靈感除外)，當面對困難時更要小心，因為通常技倆都是叫你立即決定唔俾時間你思考，甚至控制引導你想法，經歷過層壓推銷的應該明白。

而家外部經濟正下行，仲差幾步就會形成溫水煮蛙之勢，加上本人自身不在狀態，做決定時都要快思慢想，對於基本價值投資，做決定時要快改變時要慢(有睇過呢本書既人先明)，因此，自信本身廢人一名，都係果句，先求知，再投資。

[嘮叨發完]

今日打風

時間岩岩好，好比球賽叫個小暫停，大家都有時間整理一下，港股跌勢亦被阻一阻，亦終於有時間再俾我研究下，對上一次係6月中，要更新下啦。