[返工前落盤系列] 006 電能實業

又話牛一，近破3萬點....(其實唔太關我事)

我都係果句，唔識睇市既我，都係專心收集收息股。今次都係入 006 電能實業，以54.45入一手，比較上次買入貴少許，可能係升市關係，但電能在冇亮麗憧憬，英國不穩，又預計受港燈影響減派息下，算大落後大市，亦被頻沽貨。

不過自知能力有限，始終喜歡佢穩定，買少少坐下貨收息，希望唔好似我隻"中國華融"咁，蝕獲金就算啦。

[返工前落盤系列] 006 電能實業

睇006 電能實業最大問題應該係英國脫歐或[疑似棄將]之類，但見佢計平均收息都有5厘，比港燈吸引(唔計匯率風險之類)，於是手痕小注入左1手價位52.35咁大把。

[返工前落盤系列] 808泓富 + 1270朗庭

氣氛上落，走勢不改，外圍如美國主導者控制一樣，製造經濟不穩，在底力好時減速跑均速，可令不以加息作工具，另，縮表亦可繼續萬劍歸宗，死既都係外面，而經濟轉型中發展向下既大陸更嚴峻。

以3.13買入808，堅持紀律增加資產，外圍高低不必影響日常運作，除非跌到入貨位22000，先重注，訓左咁耐，實在有資金出路壓力。

更新: 再以3.02買入朗庭5000股以作收藏😀

[返工前落盤系列] 778 置富

呢半年收左幾次派息，儲起一部分，另一部分就繼續投資收息股，今次繼續買入778，以作價9蚊入2000股，少量投資

中美有排玩，唔理佢地字，反正都係慣常既"預期手段", 之前俾佢玩左幾年話加息，今次又玩預期唔加息，都係果d原本唔加得就吹話加，而家要繼續加就吹就黎唔加息，感覺上又要玩兩三年，所以都係見合理價時，都要儲下股

[更新月供] 2800 於11月微加1000

不斷下跌，開始指向"正價"，
步入"減價"前，嘗試增加月供2800，
因為本身供得唔多，加左都係月供5000蚊，
所以冇壓力。

餘下現金流，就繼續儲起，等候大平賣。

就黎訓醒，睇多半年後，災後尋機會

而家岩岩先由貴價，慢慢轉向一年前既不平價，
希望半睡半醒，慢慢等都見到合理價先出手，
平價或股災價就可遇不可求，恆指入大約22000開始第一注，等左差不多半年，
呢d時間都係繼續儲下彈藥。

[返工前落盤系列] 34 九龍建業

通常就收息並已持有既股票，都會睇睇有冇突然一跌時，有入返d既機會，於是都會返工前預設自以為平既價入。

今日食完飯，就收到信息，話已買入34九建2000股@8.55，心諗都好，反正差唔多有7哩半，點知一睇都係低處未算低，最低見8.35，唔信邪既我，最終難逃賺息蝕價魔咒，為有再次冬眠，待熊仔出未後再來-_-"